E Čechiko republika na doľikerel o čačipen savo hin le romane čhavoren te kerel o školi bije diskriminacija. E diskriminacija šaj avel buter seri, šaj pes sikhavel andro školi, kana o učiteľa na sikhaven mištes le čhavoren. Oda pes sikhavel andro specijalna školi, avka sar pro standartna školi. But romane čhave hine bičhade andro školi, so hine kerde vaš o džene so len hin „loki mentalno disfunkcia”. Aver romane čhave musaj te phiren andro školi the trjedi, kaj hine bičhade ča o romane čhavore u kaj chuden na až ajso lačho sikhaviben. Kaja diskriminacija odcirdel len avre školendar the buťendar the lengere možnosci te obdžal o čoripen the oda hoj terďon pre sera.
