Махфийлик сиёсати

Кириш

Amnesty International барча фойдаланувчиларимизнинг махфийлигини таъминлашни ўз зиммасига олади. Биз кўп йиллардан бери шахсий ҳаёт дахлсизлиги ҳуқуқи учун ҳамда ҳукумат назорати ва аралашувига қарши курашиб келамиз. Ушбу сиёсат, биз, ташкилот сифатида, шахсий ҳаёт дахлсизлигига ҳуқуқингизни ҳимоя қилиш тарафдори эканлигимизни кўрсатади. Шунингдек, у маълумотларингиздан қандай фойдаланишимиз ва улар устидаги сизнинг ҳақ-ҳуқуқларингиз ҳақида аниқ тушунча беради.

Ушбу сиёсат Amnesty International Limited, www.amnesty.org ва бошқа биз томонимиздан бошқариладиган веб-сайтлар орқали, жамоат учун тақдим этадиган барча онлайн тизимларига тааллуқлидир.

“Биз”, “бизга”, “бизнинг” деган сўзлар Amnesty International Халқаро Котибиятининг асосий операцион компанияси бўлган Amnesty International Limited’га тааллуқли. У Англия ва Уэльсда (01606776 рақами остида) кафолат билан чекланган компания сифатида рўйхатдан ўтган.

Amnesty International Limited ушбу сиёсатда тилга олинган рўйхатдан ўтган маълумотлар назоратчисидир. Бизнинг тўлиқ маълумотларимизни ушбу сиёсат охирида топишингиз мумкин ва у билан боғлиқ ҳар қандай саволлар билан биз билан боғланинг.

Қандай турдаги маълумотларни ва қандай тарзда йиғамиз?

Тўпланадиган маълумот тури ва миқдори веб-сайтларимиздан қандай фойдаланишингизга боғлиқ. Веб-сайтларимизнинг аксарият саҳифаларига сиз ўзингизни танитмасдан ва IP-манзилингиздан ташқари ҳеч қандай шахсий маълумотни бермасдан киришингиз мумкин.

Веб-серверларимиз cookie файллардан фойдаланади ва веб-сайтларимизга фойдаланувчилар ташриф буюрган пайтларида ташриф журналларини йиғади. Бу келгусида веб-сайтни яхшилашга ёрдам берадиган фойдали маълумотни тақдим этади. Қўшимча маълумот учун Cookie файллар саҳифасига қаранг.

Биз шахсий маълумотларни, жумладан, сизнинг IP-манзилингизни қуйидаги усуллар билан тўплаймиз:

  • Онлайн акцияларга ёзилганингизда ёки бизга халқаро аъзо сифатида қўшилишга қизиқиш билдирганингизда
  • Бизга хайрия қилганингизда
  • Инсон ҳуқуқлари бўйича таълим курсларимизга ёзилганингизда
  • Amnesty Decoders каби бошқа онлайн кампаниялар ёки тадбирларда иштирок этганингизда
  • Биз билан ишлаш ёки волонтёр бўлиш имконияти учун ариза топширганингизда

Агар шахсий маълумотингизни бизга беришни танласангиз, биз қуйидаги турдаги маълумотларни тўплашимиз мумкин:

  • Исм
  • Ёш
  • Манзил
  • Электрон почта манзили
  • Телефон рақами
  • Кредит картаси маълумотлари (шифрланади ва тўлов провайдерларига юборилади, Amnesty томонидан сақланмайди)
  • Ишга жойлашиш ёки волонтёр бўлиш имконияти учун ариза топшириш мақсадида тақдим этилган маълумотлар, жумладан: жинси, миллати, жинсий ориентацияси, ногиронлиги ва жиноий судланганлиги ҳақидаги маълумотлар.

Тўпланган маълумотлардан қандай фойдаланамиз?

Веб-сайтларимиз орқали тўпланган шахсий маълумотлардан қуйидаги мақсадларда фойдаланилади:

  • Электрон почта орқали ҳаракатларни амалга ошириш ёки петициялар тузиш учун
  • Кампанияларимиз ва фаолиятимиз ҳақида сизни хабардор қилиш учун
  • Сиздан хайрия қилишингизни ёки кампанияларимизда иштирок этишингизни сўраш учун
  • Amnesty International’га қўшилишга қизиқишингизни билдириш учун
  • Amnesty International’га аъзолигингизни бошқариш учун
  • Сиздан олган хайрияларни қайта ишлаш учун
  • Биз билан ишга жойлашиш ёки волонтёр бўлиш имкониятлари учун аризаларингизни бошқариш ва кўриб чиқиш учун
  • Ишга жойлашиш ёки кўнгиллилик имкониятлари учун ариза берувчиларнинг хилма-хиллигини кузатиш учун
  • Маълумотларингизни компаниямизнинг бошқа ташкилотлари ёки ишончли учинчи томон иштирокчилари билан бўлишиш учун (қуйида батафсил маълумот берилган)
  • Веб-сайтларимизни яхшилаш учун
  • Ҳар қандай қонуний мажбуриятларни бажариш учун

Шахсий маълумотларни қайта ишлашнинг қонуний асослари

Маълумотларни ҳимоя қилиш тўғрисидаги қонун биздан шахсий маълумотларингизни қайта ишлаш учун ҳуқуқий асосга эга бўлишимизни талаб қилади. Маълумотлар ва қайта ишлаш турларига қараб биз қуйидагилардан фойдаланамиз:

Розилик

Сиз билан боғланиш учун, масалан, ишимиз ва кампанияларимиз ҳақида сизни хабардор қилиш учун электрон почта хабарларини юбориш ва хайрия сўраш учун сизнинг розилигингизни талаб қиламиз. Биз сизнинг маълумотларингизни фақат сиз розилик берсангизгина қайта ишлаймиз. Агар сиз бизга ишга ариза топширсангиз ва бизга махфий шахсий маълумотларни (шу жумладан, ирқингиз, миллатингиз, жинсингиз ҳақидаги маълумотларни) тақдим этсангиз, биз ушбу маълумотларни фақат сизнинг розилигингиз билан қайта ишлаймиз.

Қонуний манфаат

Баъзан биз сизнинг шахсий маълумотларингизни Amnesty International глобал ҳаракатининг бошқа қисмлари билан бўлишамиз (қуйида қаранг). Бу бизнинг ташкилотимизни иложи борича самарали тарғиб қилиш ва хабаримизни инсон ҳуқуқларига қизиққан одамларга етказишга имкон бериш бўйича қонуний манфаатларимизни амалга ошириш учун бажарилади.

Шартнома талабини бажариш

Агар сиз бизга хайрия қилсангиз ёки ҳаракатимизга қўшилишга қизиқиш билдирсангиз, биз сиз тақдим этган шахсий маълумотларни ушбу хайрия ёки аъзолик сўровингизни бажариш учун қайта ишлаймиз.

Қонуний талаб

Биз сизнинг шахсий маълумотларингизни фирибгарлик ёки пул ювишнинг олдини олиш каби бизга юклатилган ҳар қандай қонуний мажбуриятларни бажариш учун қайта ишлаймиз. Шунингдек, агар қонуний орган ёки суд томонидан қонуний талаб қилинса, биз сизнинг шахсий маълумотларингизни қайта ишлаймиз.

Зарурат

Масалан, сиз биз билан ишлаш ёки волонтёр бўлиш имконияти учун ариза топшираётганингизда, баъзи маълумотларни қайта ишлаш ишга жойлашиш мақсадлари учун зарур.

Хавфсизлик

Биз сиз ҳақингиздаги маълумотларни хавфсиз, аниқ ва янгиланган ҳолда сақлаш учун тегишли хавфсизлик чораларини кўрамиз. Шунингдек, тўловларни қайта ишлашда ишончли тўлов хизмат кўрсатувчи провайдерлардан фойдаланишимизга ишонч ҳосил қилиш учун чоралар кўрамиз. Аммо интернет орқали маълумот узатилиши тўлиқ хавфсиз бўла олмайди, шунинг учун биз шахсий маълумотларни ҳимоя қилиш учун бор кучимиз билан ҳаракат қилсак ҳам, веб-сайтларимизга узатилган маълумотларнинг мутлақ хавфсизлигини кафолатлай олмаймиз.

Ташқи веб-сайтлар

Бизнинг веб-сайтимизда баъзан ташқи веб-сайтлар ёки иловаларига ёки учинчи томон веб-сайтларидан олиниб боғланган контентга ҳаволалар мавжуд (бу тегишли саҳифада тушунтирилади/қайд этилади). Ушбу сиёсат бошқа ташкилотлар томонидан жойлаштирилган ёки бошқариладиган бундай саҳифалар ёки иловаларга тааллуқли эмас. Бунга Amnesty International бўлимлари ёки тегишли ташкилотлар ёки ташқи сайтларнинг веб-сайтлари ёки иловалари киради. Ушбу бошқа сайтларнинг ўзларига тегишли махфийлик сиёсати мавжуд бўлиши мумкин.

Сизнинг шахсий маълумотингиз билан бўлишиш

Шахсий маълумотларингиз билан фақат қуйидаги ҳолатлардагина бўлишамиз:

Amnesty International глобал ҳаракатининг бошқа қисмлари билан бўлишиш

Amnesty International Limited Amnesty International глобал ҳаракатининг бир қисмидир.

Ҳаракатимиз бутун дунё бўйлаб, шу жумладан Буюк Британияда, инсон ҳуқуқлари бузилишларига барҳам бериш йўлида фаолия юритадиган 60 дан ортиқ аъзолик ташкилотларидан иборат. Уларнинг айримлари расмий юридик мақомга эга, айримлари эса эга эмас.

Биз сизнинг маълумотларингизни ушбу ташкилотлар билан бўлишишимиз мумкин, улар кейинчалик сизнинг шахсий маълумотларингиздан ўз фаолиятига мувофиқ тарзда фойдаланишлари мумкин. Масалан, агар сиз Amnesty International’га қўшилишга қизиқиш билдирган бўлсангиз ёки петиция имзолаган бўлсангиз, биз сизнинг боғланиш маълумотларингизни маҳаллий Amnesty International ташкилотлари билан бўлишишимиз мумкин. Маълумотларингизни шу тарзда улашиш биздан шахсий маълумотларингизни Европа Иттифоқидан ташқарига ўтказишимизни талаб қилса, биз маълумотларингиз қабул қилувчи ташкилот томонидан Европа Иттифоқи стандартига мувофиқ равишда улашилиши ва қайта ишланишини таъминлаш учун шартномавий келишувларга эгамиз.

Хостинг ва қайта ишлаш тартиблари

Веб-сайтларимиз ташқи хостинг хизматини кўрсатувчи провайдерлар серверларига жойлаштирилган, шунинг учун улар орқали тақдим этган ҳар қандай шахсий маълумотларингиз ушбу ташқи хизмат кўрсатувчи провайдер томонидан қайта ишланиши мумкин. Бунга сизнинг IP-манзилингиз ва сиз тақдим этишни танлаган бошқа шахсий маълумотларингиз киради (масалан, агар сиз петицияга имзо чексангиз).

Баъзи ҳолларда сизнинг маълумотларингиз бизга бошқа ташкилотлар томонидан улашилиши мумкин. Масалан, ташқи провайдеримиз орқали инсон ҳуқуқлари бўйича таълим курсига ёзилсангиз, ёки Amnesty International’га ёки унинг кампанияларидан бирига қўшилишга қизиқишингизни Facebook орқали рўйхатдан ўтказсангиз, Facebook сизнинг исмингиз ва электрон почта манзилингиз каби маълумотларни биз билан бўлишади. Шунингдек, биз сизнинг шахсий маълумотларингизни қайта ишлаш учун бошқа учинчи томонлардан фойдаланамиз, жумладан, қуйидаги соҳаларда:

  • Amnesty International’га қўшилиш учун барча онлайн қизиқиш билдиришларини амалга ошириш ёки барча тегишли алоқаларни амалга ошириш ва бошқариш
  • онлайин тўловларни қайта ишлаш
  • ишга қабул қилиш ёки волонтёр бўлиш имкониятлари ва тегишли рекрутинг жараёнлари учун аризалар билан боғлиқ барча маълумотларни қайта ишлаш.

Барча ташқи хизмат кўрсатиш провайдерлари шахсий маълумотларингизни фақат Amnesty International Limited’нинг номидан қайта ишлайди ва маълумотларни ҳимоя қилиш қонунчилигига мувофиқ шартнома шартларига амал қилади.

Биз Facebook’нинг «custom audience» ва «lookalike audience» дастурларида иштирок этамиз, бу сизнинг Facebook’даги махфийлик созламаларингизга қараб, контентимизни Facebook’да мавжуд бўлган ёки потенциал тарафдорларимизга намойиш қилиш имконини беради. Биз сизнинг электрон почта манзилингиз каби шахсий маълумотларни Facebook’га тақдим этамиз, Facebook эса уни хавфсиз шифрлайди. Агар ушбу шахсий маълумотлар Facebook аккаунтига мос келмаса ёки улар сизнинг аккаунтингиз аллақачон мавжуд эканлигини тасдиқласа, Facebook уларни ўчириб ташлайди.

Тўловларни қайта ишлаш ва фирибгарлик

Карта маълумотларингизни тақдим этсангиз, улар тўловларни амалга ошириш учун банкларга ёки тегишли молия муассасаларига ошкор қилиниши мумкин. Фирибгарлик транзакцияси гумон қилинган тақдирда, маълумотларингиз фақат қўшимча текширувларни амалга ошириш мақсадида (масалан, кредит текширув агентлигига) ошкор қилиниши мумкин.

Бошқа ҳолларда маълумотларни улашиш

Шунингдек, биз сизнинг шахсий маълумотларингизни сизнинг рухсатингиз билан ёки қонуний равишда қаршилик кўрсатиб бўлмайдиган ҳолатларда ошкор қилишимиз шарт бўлса, улашишимиз мумкин.

Cookie файл – бу веб-сайт томонидан компьютерингизнинг қаттиқ дискига юбориладиган матнли маълумот бўлиб, веб-сайт келгуси ташрифларингизда сиз ҳақингиздаги маълумотларни эслаб қолиши учун хизмат қилади. Одатда cookie файл  бу cookie қабул қилиб олинган Интернет домен номини, cookie файлнинг амал қилиш муддатини ва қийматини ўз ичига олади. Қиймат тасодифий равишда генерация қилинган ноёб рақам бўлади.

Агар сиз cookie файлларни чегараламоқчи ёки блокламоқчи бўлсангиз, интернет браузерингизнинг созламалари орқали буни амалга оширишингиз мумкин. Батафсил маълумот олиш учун қуйидаги ҳаволани босинг: www.aboutcookies.org.

Cookie файллар ва Amnesty International улардан қандай фойдаланиши ҳақида батафсил маълумот олиш учун бизнинг Cookie файллардан фойдаланиш саҳифамизга ўтинг.

18 ёшга тўлмаганлар

Агар сиз 18 ёшдан кичик бўлсангиз ва Amnesty International ишида иштирок этишни истасангиз, шахсий маълумотларингизни бизга беришдан олдин сизда ота-онангиз ёки васийингизнинг рухсати бор эканлигига ишонч ҳосил қилинг.

Маълумотларни сақлаш муддати

Биз сизнинг шахсий маълумотларингизни фақат юқорида қайд этилган мақсадлар учун зарур бўлган муддат давомидагина тизимларимизда сақлаймиз. Муҳим маълумотлардан келгусида фойдаланиш ёки уларга мурожаат этиш учун улар қанча вақт давомида мавжуд бўлиши кераклиги, ҳамда керак бўлмай қолган вақтда қандай йўқ қилиниши зарурлиги ҳақидаги кўрсатмаларимизга мувофиқ, шахсий маълумотлар керак бўлишдан тўхтаган заҳоти биз уларни тизимларимиздан ўчириб ташлаймиз.

Турли маълумотларнинг сақланиш муддати уни қанча вақт давомида қайта ишлашимиз кераклигига, уни тўплаш сабабига ва турли қонун талабларига мувофиқ турлича бўлади. Бу вақтдан сўнг маълумотлар ўчирилади ёки биз тадқиқот ва таҳлиллар ўтказиш учун хавфсиз равишда анонимлаштирилган қайдларни сақлашимиз мумкин.

Шахсий маълумотларингизга кириш ва уларга оид ҳуқуқларингиз

Бизда сақланадиган сиз ҳақингиздаги шахсий маълумотлар сизга тегишли. Сизнинг маълумотларингизга оид қуйидаги ҳуқуқларингиз бор:

  • Маълумотларингиз қандай қайта ишланиши ҳақида маълумот олиш ҳуқуқи
  • Маълумотларингизга кириш ҳуқуқи
  • Нотўғри маълумотларни тузатиш ҳуқуқи
  • Маълумотларингизни ўчириш ҳуқуқи
  • Исталган вақтда маълумотларингизни қайта ишлашни чеклаш ҳуқуқи (шу жумладан, сизга электрон почта хабарларини юбориш). Барча электрон почта хабарларимизда обунани бекор қилиш ҳаволаси бўлади.
  • Маълумотларингизни сақлашга эътироз билдириш ҳуқуқи
  • Маълумотларингизни кўчириш ҳуқуқи

Ишга ёллаш жараёнида махфийлик тўғрисидаги баёнот

Amnesty International Limited ишга ёллаш жараёнида тўпланган шахсий маълумотларни масъулият билан қайта ишлашни ўз зиммасига олади.

Аризангиз билан боғлиқ ҳолда тақдим этган маълумотларингиз Amnesty томонидан фақат ишга ёллаш ва танлаш жараёнларида фақат ташкилот ичида фойдаланилади ва сизнинг розилигингизсиз учинчи шахсларга улашилмайди; қонун талаб қилган ҳолатлар ва хизмат кўрсатувчи провайдерлар бундан мустасно (батафсил маълумот учун бизнинг умумий баёнотимизга қаранг).

Жинси, ёши, жинсий ориентацияси, дини ва эътиқоди, ғамхўрлик мажбуриятлари, ногиронлиги, миллати ва келиб чиқиш минтақаси ҳақидаги махфий шахсий маълумотлар анонимлаштирилади ва фақат хилма-хиллик ва тенг имкониятларни мониторинг қилиш учун фойдаланилади. Рад этилган аризалар танлов жараёни тугагандан сўнг уч йил давомида сақланади. Шунингдек, қуйидаги баёнотда белгиланган шартлар асосида маълумотларни қайта ишлашга розилигингизни тасдиқлашни сўраймиз:

Баёнот
Мен аризамда тақдим этган маълумотлар тўлиқ ва тўғри эканлигини тасдиқлайман. Ариза шаклида қасддан маълумот қолдириш, сохталаштириш ёки нотўғри маълумот бериш аризамни рад этилишига ёки ташкилотда иш бошланган тақдиримда ҳам ишдан бўшатилишимга асос бўлишига розиман. Зарур бўлган ҳолларда, касбий рўйхатдан ўтишга оид маълумотларимни ташкилотга текширишга рухсат бераман. Мен Amnesty International’га шахсий маълумотларимни юқорида келтирилган махфийлик сиёсатида кўрсатилган шартлар асосида қайта ишлашига рухсат бераман.

Агар сиз юқорида қайд этилган ҳуқуқларингиздан фойдаланмоқчи бўлсангиз ёки ушбу сиёсатга оид саволларингиз бўлса, қуйидаги манзил орқали биз билан боғланишингиз мумкин:

Почта орқали:

Amnesty International, International Secretariat
1 Easton Street
London
WC1X 0DW
UK

Электрон почта: amnestyis@amnesty.org  

Телефон: + 44 (0) 20 7413 5500

Шикоятлар

Агар сиз шахсий маълумотларингизни қайта ишлашимиз ҳақида шикоят қилмоқчи бўлсангиз, юқоридаги боғланиш маълумотлари орқали биз билан боғланинг ва шикоятингизнинг батафсил тавсифини тақдим этинг. Биз барча шикоятларга 14 иш куни ичида жавоб беришга ҳаракат қиламиз.

Агар шикоятингизни кўриб чиқишимиздан норози бўлсангиз, Буюк Британиянинг маълумотларни ҳимоя қилиш ва махфийлик учун масъул бўлган Ахборот комиссари идорасига шикоят қилишингиз мумкин:

Веб-сайт: https://ico.org.uk/global/contact-us/

Телефон: 0303 123 1113