Кириш сөз жана жалпы эрежелер
Amnesty International бардык колдонуучуларыбыздын жеке маалыматтарын коргоо милдетин алат. Биз көптөн бери купуялуулук укугу үчүн, ошондой эле бийликтин көзөмөлүнө жана кийлигишүүсүнө каршы өнөктүктөрдү жүргүзүп келебиз. Бул эрежелер биздин уюм катары сиздин купуялуулук укугуңузга болгон милдеттебизди көрсөтөт, анда биз сиздин жеке маалыматттарды кандайча колдоно турганыбыз жана ал маалыматтарга карата сиздин укуктарыңыз жөнүндө так түшүндүрмөлөр берилет.
Бул эрежелер Amnesty International Limited тарабынан коомчулукка сунушталган бардык онлайн системаларга, биздин www.amnesty.org веб-сайтыбыз жана биз иштеткен башка веб-сайттарга тиешелүү.
“Биз”, “бизге” жана “биздин” деген шилтемелер, Amnesty International уюмунун Эл катчылыгынын башкы операциялык кеңсеси, Англия жана Уэльсте кепилдик менен чектелген ишкана катары катталган (номери 01606776) Amnesty International Limited компаниясын билдирет.
Amnesty International Limited – бул расмий каттоодон өткөн жана аталган купуялык эрежелерге тиешелүү маалыматтардын көзөмөлдөөчүсү болуп саналат. Биз жөнүндө толук маалыматты ушул эрежелердин аягынан таба аласыз жана булар тууралуу кандайдыр бир суроолоруңуз болсо, биз менен байланышыңыз.
Биз кандай маалыматтарды жана аларды кантип чогултабыз?
Бизге келген жана сакталган маалыматтын түрү жана көлөмү сиздин веб-сайттарыбызды кантип колдонгонуңузга жараша болот. Сиз веб-сайтыбыздын көпчүлүк баракчаларына ким экениңизди айтпастан жана IP дарегиңизден башка эч кандай жеке маалыматыңызды ачыкка чыгарбастан кире аласыз.
Биздин веб-серверлер куукилерди колдонуп, колдонуучулардын веб-сайттарга кирүү маалыматтарын (logs) чогултушат. Булар веб-сайттарыбызды мындан ары дагы жакшыртуу үчүн баалуу маалыматтарды берет. Көбүрөөк маалымат алуу үчүн атайын Куукилер (“Cookies”) баракчасын караңыз.
Биз сиздин IP дарегиңизди камтышы мүмкүн болгон жеке маалыматтарды төмөнкү жолдор менен чогултабыз:
- Онлайн өнөктүккө катталганыңызда же бизге эл аралык мүчө катары кошулууга кызыктар экениңизди билдиргениңизде.
- Бизге кайрымдуулук кылганыңызда.
- Адам укуктары боюнча курстарыбызга катталганыңызда.
- Amnesty Decoders сыяктуу башка онлайн өнөктүктөргө же иш-чараларга катышканыңызда.
- Бизге жумушка же ыктыярчы кызматтарына арыз бергениңизде.
Эгер сиз маалымат берүүгө макул болсоңуз, анда биз сизден төмөнкү жеке маалыматтарды чогултушубуз мүмкүн:
- Аты-жөнү
- Жашы
- Дареги
- Электрондук почта дареги
- Телефон номери
- Кредиттик картанын маалыматтары (маалыматтар коддолуп, төлөм провайдерлерине жөнөтүлөт, Amnesty тарабынан сакталбайт)
- Жумушка тапшыруу же ыктыярчы кызматына арыз берүү максатында берилген маалыматтар, анын ичинде, гендердик белгиси, улуту, сексуалдык ориентациясы, майыптуулугу жана сот-кылмыш иштери тууралуу маалыматтар.
Чогултулган маалыматтарды биз кандай пайдаланабыз?
Биз веб-сайттарыбыз аркылуу чогултулган жеке маалыматттарыңызды төмөнкү максаттарда колдонобуз:
- Электрондук каттарды жөнөтүү же петицияларды түзүү үчүн.
- Сизге биздин өнөктүктөр жана иш-чаралар тууралуу маалымат берүү үчүн.
- Кайрымдуулук кылуу же биздин өнөктүктөргө катышууга сизди чакыруу үчүн байланшууга.
- Amnesty International уюмуна кошулуу кызыгууңузду ишке ашыруу үчүн.
- Amnesty International уюмундагы мүчөлүгүңүздү башкаруу үчүн.
- Сизден алган кайрымдуулуктарды иштетүү үчүн.
- Бизге жумушка орношуу же ыктыярчылык кылуу боюнча арыздарыңызды башкаруу жана иштетүү үчүн.
- Жумушка же ыктыярчылыкка талапкерлердин ар түрдүүлүгүн көзөмөлдөө үчүн
- Маалыматтарыңызды Amnesty International уюмунун башка уюмдары же ишенимдүү үчүнчү тараптар менен бөлүшүү үчүн (кошумча маалымат алуу үчүн төмөндөгүнү караңыз).
- Веб-сайттарыбызды жакшыртуу үчүн.
- Ар кандай юридикалык жана мыйзамдык милдеттенмелерди аткаруу үчүн.
Маалыматтарды иштетүүнүн мыйзамдуулугу
Маалыматтарды коргоо мыйзамы бизден сиздин жеке маалыматтарыңызды иштетүү үчүн юридикалык негизге ээ болууну талап кылат. Биз маалыматтардын жана аларды иштетүүнүн түрүнө жараша төмөнкү ыкмаларды колдонобуз:
Макулдук (Consent)
Биз сизге катттарды жөнөтүү үчүн, мисалы иш-чаралар жана өнөктүктөрүбүз тууралуу жаңылыктарды жана кайрымдуулук сурап кайрылуу үчүн сиздин бизге макулдугуңуз керек. Биз сиздин маалыматыңызды ушундай жол менен сиздин макулдугуңуз менен гана иштетебиз. Эгер сиз бизден жумушка орношууга кайрылуу жасап, бизге жеке маалыматтарыңызды (расаңыз, улутуңуз, гендердик белгиңиз жөнүндө маалыматтар) жөнөткөн болсоңуз, биз бул маалыматтарды сиздин макулдугуңуз менен гана иштетебиз.
Мыйзамдуу Кызыкчылык
Биз кээде сиздин жеке маалыматтарыңызды Amnesty International уюмунун глобалдык кыймылынын алкагында башка тараптары менен бөлүшөбүз (төмөндө караңыз). Бул биздин уюмду мүмкүн болушунча натыйжалуу жайылтууга жана билдирүүлөрүбүздүн адам укуктарына кызыккан тараптарга жетишин камсыз кылуудагы мыйзамдуу кызыкчылыктарыбызды көздөө үчүн жасалат.
Келишимдик милдеттенмени аткаруу үчүн
Эгер сиз бизге кайрымдуулук кылсаңыз же кыймылга кошулууга кызыкдар экениңизди билдирсеңиз, биз сиз берген жеке маалыматтарды ошол кайрымдуулукту иштетүү же мүчөлүк өтүнүчүңүз боюнча иштерди аткаруу үчүн колдонобуз.
Мыйзамдык милдеттенме
Биз сиздин жеке маалыматтарыңызды бизге жүктөлгөн ар кандай юридикалык милдеттенмелерди аткаруу үчүн, мисалы, алдамчылыктын же акчаны адалдоонун алдын алуу сыяктуу текшерүүлөргө карата иштетебиз. Ошондой эле, мыйзамдуу түрдө мамлекеттик орган же сот тарабынан талап кылынган учурда, биз сиздин жеке маалыматтарыңызды колдонууга алабыз.
Зарылчылык
Мисалы, эгер сиз бизге жумушка орношуу же ыктыярчы болууга арыз берип жаткан учурларда, жумушка алуу максатында айрым жеке маалыматтарды колдонуу зарыл болуп саналат.
Коопсуздук
Биз сиздин маалыматтарыңыздын коопсуздугун, тактыгын жана актуалдуулугун камсыз кылуу үчүн тиешелүү коопсуздук чараларын көрөбүз. Ошондой эле, коопсуз төлөм кызматтарын орнотуу максатында бул кызматтарды аткаруучу провейдерлер аркылуу (payment services provider) системанын коопсуз болушун камсыздайбыз. Бирок, интернет аркылуу маалыматтарды берүү эч качан толук коопсуз болбойт, андыктан жеке маалыматтарды коргоо боюнча бардык күч-аракетибизге карабастан, веб-сайттарыбызга берилген маалыматтардын коопсуздугуна кепилдик бере албайбыз.
Үчүнчү тараптын веб-сайттары
Биздин веб-сайтта кээде үчүнчү тараптын веб-сайттарына же тиркемелерине шилтемелер же үчүнчү тараптын веб-сайттарынан киргизилген контенттер болушу мүмкүн (тиешелүү баракчада түшүндүрүлөт/белгиленет). Тиешелүү эрежелер башка уюмдар тарабынан жайгаштырылган же иштетилген мындай баракчаларга же тиркемелерге колдонулбайт. Буга Amnesty International сексициялары же тиешелүү уюмдар же үчүнчү тараптын веб-сайттары же тиркемелери кирет. Мындай башка сайттардын өздөрүнө тиешелүү купуялык эрежеси болушу мүмкүн.
Жеке маалыматтарыңызды бөлүшүү
Биз сиздин жеке маалыматтарыңызды төмөнкү жагдайларда гана бөлүшөбүз:
Дүйнөлүк Amnesty International кыймылынын башка бөлүктөрү менен маалымат алмашуу
“Amnesty International Limited” – бул дүйнөлүк Amnesty International кыймылынын бир бөлүгү болуп саналат. Биздин кыймыл Улуу Британияны кошо алганда, дүйнө жүзү боюнча адам укуктарынын бузулушун токтотуу үчүн иштеген алтымыштан ашык мүчө уюмдардан турат. Бул уюмдардын айрымдары расмий түрдө катталган болсо, айрымдары катталган эмес. Биз сиздин маалыматтарыңызды мына ушул уюмдар менен бөлүшүшүбүз мүмкүн жана алар андан кийин сиздин жеке маалыматтарыңызды өз ишмердүүлүгү үчүн пайдаланышы ыктымал. Мисалы, эгер сиз Amnesty International уюмуна кошулууга кызыктар экениңизди билдирсеңиз же петицияга кол койсоңуз, биз сиздин байланыш маалыматтарыңызды жергиликтүү Amnesty International уюму менен бөлүшүшүбүз мүмкүн. Мындай учурларда сиздин маалыматтарыңызды ЕБден (Европа Биримдигинен) тышкары өткөрүп берүү талап кылынып калат, буга карата сиздин маалыматтарыңызды алуучу уюм тарабынан ЕБ стандартына ылайык бөлүшүлүшүн жана иштетилишин камсыз кылуу үчүн алар менен келишимдик макулдашууларды түзгөнбүз.
Хостинг жана иштетүү келишимдери
Биздин веб-сайттар үчүнчү тараптын кызмат көрсөтүүчүлөрү тарабынан хостинг кылынат (жайгаштырылат), андыктан сиз алар аркылуу берген ар кандай жеке маалыматтар ошол үчүнчү тараптын кызмат көрсөтүүчүсү тарабынан иштетилиши мүмкүн. Буга сиздин IP дарегиңиз жана сиз бере турган башка жеке маалыматтар (мисалы, эгер сиз петицияга кол койсоңуз) кирет.
Айрым учурларда сиздин маалыматтарыңыз бизге үчүнчү тараптар аркылуу берилиши мүмкүн. Мисалы, эгер сиз биздин тышкы провайдерибиз аркылуу адам укуктары боюнча окутуу курсуна катталсаңыз, же Amnesty International уюмуна же анын өнөктүктөрүнүн бирине Facebook аркылуу кошулууга кызыкдар экениңизди билдирсеңиз, Facebook бизге сиздин аты-жөнүңүз жана электрондук почта даргиңиз сыяктуу маалыматтарды жиберет. Ошондой эле, биз сиздин жеке маалыматтарыңызды иштетүү үчүн төмөнкү багыттар боюнча үчүнчү тараптын кызматтарын колдонобуз:
- Amnesty International уюмуна кошулууга же иш-чараларга катышууга болгон бардык онлайн кызыкчылыктарын билдирүүлөрүн иштетүү же бардык тиешелүү иш-аракеттерди жүргүзүү жана байланыштарды башкаруу үчүн.
- Онлайн төлөмдөрдү иштетүү үчүн.
- Жумушка орношуу же ыктыярчы болуу тууралуу арыздарды жана кызматка алуу прцесстерине байланыштуу бардык маалыматтарды иштетүү үчүн.
Бардык үчүнчү тараптын кызмат көрсөтүүчүлөрү сиздин жеке маалыматтарыңызды “Amnesty International Limited” уюмунун атынан гана иштетишет жана маалыматтарды коргоо мыйзамына ылайык келген келишимдик шарттар менен милдеттендирилген.
Биз Facebook’тун “адаптацияланган аудитория” жана “окшош аудитория” программаларына катышабыз, алар сиздин купуялык режимиңизге жараша Facebook’та учурдагы же болочок колдоочуларыбызга биздин контентти көрсөтүүгө мүмкүнчүлүк берет. Биз сиздин электрондук почта дарегиңиз сыяктуу жеке маалыматтарды Facebook менен бөлүшөбүз, ал өз кезегинде аны коопсуз шифрлеп алат. Эгер бул жеке маалыматтар Facebook аккаунтуна дал келбесе же алар сиздин аккаунтуңуз бар экенин ырастагандан кийин, ал маалыматтар Facebook тарабынан жок кылынат.
Төлөмдөрдү иштетүү жана алдамчылык
Сиз берген төлөм картасындагы маалыматтар, төлөмдөрдү ишке ашырууну жеңилдетүү үчүн банктарга же тиешелүү каржы мекемелерине берилиши мүмкүн.Эгерде алдамчылык транзакциясына шек жаралса, сиздин маалыматтарыңыз кошумча текшерүүлөрдү жүргүзүү максатында гана бөлүшүлөт (мисалы, кредиттик текшерүү агенттигине берилиши мүмкүн).
Маалыматтарды бөлүшүүнүн башка түрлөрү
Ошондой эле, биз сиздин жеке маалыматтарыңызды сиздин макулдуңуз менен же аны бөлүшүү мыйзамдуу түрдө талап кылынып, ага каршы чыгууга мүмкүн болбой турган учуруларда гана бөлүшөбүз.
Куукилерди колдонуу
Кууки (cookie) — бул веб-сайт сиздин ким экениңизди эстеп калышы үчүн компьютериңиздин катуу дискине өткөрүп берген маалымматтардын тексттик фрагменттери.
Кууки, адатта, ал кууки кайдан келип чыккан интернет доменинин аталышы. Куукинин иштөө мөөнөтү жана мааниси адатта кокустук түрдө түзүлгөн уникалдуу сандан турат.
Эгер сиз куукилерди чектөөнү же бөгөттөөнү кааласаңыз, браузериңизди ошого жараша жөндөй аласыз. Көбүрөөк маалымат алуу үчүн www.aboutcookies.org сайтына кириңиз.
Куукилер жана Amnesty International аларды кантип колдонору жөнүндө көбүрөөк маалымат алуу үчүн, биздин Куукилерди колдонуу документин окуп чыгыңыз.
18 жашка чейинкилер үчүн
Эгер сиз 18 жашка чыга элек болсоңуз жана Amnesty International уюмунун ишине катышкыңыз келсе, бизге жеке маалыматтарыңызды берүүдөн мурун ата-энеңиздин/мыйзамдуу камкорчуңуздун уруксатын алыңыз.
Маалыматтарды сактоо мөөнөтү
Биз сиздин жеке маалыматтарыңызды системаларыбызда жогоруда көрсөтүлгөн максаттар үчүн зарыл болгон мөөнөттө гана сактайбыз.
Жеке маалыматтар керек болбой калганда, маанилүү маалыматтарды келечекте колдонуу же шилтеме берүү канча убакытка жеткиликтүү болушу керектиги жөнүндө көрсөтмөлөрүбүзгө ылайык аларды системаларыбыздан өчүрөбүз. Ошондой эле, аларды качан жана кантип жок кылуу боюнча эрежелерди сактайбыз.
Ар бир категориядагы маалыматтарды сактоо мөөнөтү аны канча убакытка чейин иштетүү керектиги, аны чогултуунун себеби жана мыйзамдуу талаптарды сактоодон көз каранды болот. Бул мөөнөттөн кийин маалыматтар же жок кылынат же аларды изилдөө жана аналитикалык максаттар үчүн коопсуз, анонимдештирилген (купуялаштырылган) жазуу түрүндө сактап калышыбыз мүмкүн.
Жеке маалыматтарыңызга жетүү жана ага байланыштуу укуктарыңыз
Бизде сакталган сизге тиешелүү жеке маалыматтар сизге таандык. Өзүңүздүн жеке маалыматттарыңыз боюнча төмөнкү укуктарыңыз бар:
- Маалыматтарыңыз кантип иштетилери жөнүндө маалымат алууга.
- Өзүңүздүн маалыматтарыңызга жеткиликтүүлүктү алууга.
- Туура эмес болгон ар кандай маалыматты оңдотууга.
- Маалыматтарыңызды жок кылууну бизден талап кылууга.
- Маалыматтарыңызды иштетүүүнү каалаган убакта чектөөгө ( сиз менен электрондук почта аркылуу байланышууну токтотуу да кирет). Сизге жөнөтүлгөн бардык электрондук каттарыбыздын ичинде жазылуудан баш тартуу шилтемеси бар.
- Маалыматтарыңызды сактоого каршы болууга.
- Маалыматтарыңызды башка жерге жылдырууга.
Жумушка алуу купуялуулугу жөнүндө билдирүү
“Amnesty International Limited” ишканасы жумушка алуу процессинин алкагында чогултулган жеке маалыматтарды жоопкерчиликтүү иштетүүгө милдеттенет.
Сиздин арызыңызга байланыштуу берилген маалыматтар Amnesty International тарабынан тандоо жана жумушка алуу процесстеринин бир бөлүгү катары ички иштерде гана колдонулат жана мыйзам талап кылган же биздин кызмат көрсөткөн провайдерлердин талабын кошпогондо, сиздин макулдугуңузсуз үчүнчү жактар менен бөлүшүлбөйт (көбүрөөк маалымат үчүн жалпы билдирүүнү караңыз).
Жынысы, жашы, сексуалдык ориентациясы, дини жана ишеними, кам көрүү милдеттери, майыптыгы, улуту жана келип чыккан аймагына байланыштуу купуя жеке маалыматтар анонимдештирилет жана ар түрдүүлүк жана бирдей мүмкүнчүлүктөрдү көзөмөлдөө үчүн гана колдонулат. Ийгиликсиз арыздар тандоо процесси аяктагандан кийин үч жыл бою сакталат. Ошондой эле, төмөндөгү билдирүүбүздү толтуруу менен маалыматтарды иштетүүгө макулдугуңузду ырастооңузду суранабыз:
Билдирүү
Мен арызымда/кайрылуумда берилген маалыматтын туура жана толук экенин ырастайм. Арыз/кайрылуу формасындагы маалыматтын атайылап көрсөтүлбөй калышы, бурмаланышы же туура эмес берилиши арызды четке кагууга, же уюм тарабынан жумушка алынган учурда киийн жумуштан бошотууга негиз болоруна макулмун. Зарыл болгон учурда, уюм менин кесиптик каттоо маалыматтарым боюнча тактоолорду сурашы мүмкүн экенине макулмун. Мен жогоруда белгиленген купуялуулук шарттарында Amnesty International уюмуна менин жеке маалыматтарымды иштетүүгө макулмун.
Эгер сиз ушул укуктардын кайсынысы болбосун пайдалангыңыз келсе же бул эрежелер боюнча суроолоруңуз болсо, биз менен төмөнкү дарек боюнча байланышсаңыз болот:
Почта аркылуу:
Amnesty International, International Secretariat
1 Easton Street
London
WC1X 0DW
UK
Электрондук почта аркылуу: amnestyis@amnesty.org
Телефон аркылуу: + 44 (0) 20 7413 5500
Арыздануу
Эгер сиз жеке маалыматтарыңызды иштетүүбүзгө нааразы болсоңуз, жогоруда берилген байланыш маалыматтары аркылуу бизге кайрылсаңыз болот. Биз бардык арыздарга 14 иш күндүн ичинде жооп берүүгө аракет кылабыз.
Эгер сиз арызыңызды карообузга нааразы болсоңуз, анда маалыматтарды коргоо жана купуялуулук үчүн жооптуу Улуу Британиянын жөнгө салуучу органы болгон Маалымат комиссарынын кеңсесине даттануу менен кайрыла аласыз:
Веб-сайт: https://ico.org.uk/global/contact–us/
Телефон: 0303 123 1113