Құпиялық сақтау саясаты

Кіріспе

Amnesty International ұзақ уақыт бойы жеке өмірге қол сұқпау құқығы үшін және заңсыз бақылау мен жеке өмірге заңсыз араласуға қарсы науқан жүргізуде. Бізбен бөлісетін жеке ақпаратты қалай өңдейтінімізге де мұқият қараймыз.

Бұл саясат қандай жеке ақпаратты жинайтынымызды, оны не үшін пайдаланатынымызды, жеке ақпаратыңызды жинау және сақтау үшін қандай заңды себептерге сүйенетінімізді, кіммен бөлісетінімізді, оны қанша уақыт сақтайтынымызды және Cіздің құқықтарыңызды түсіндіреді. Оның пайдалануын оңайлату үшін қарапайым тілде жаздық.

Осы саясат Amnesty International Limited (Amnesty International қозғалысының Халықаралық Хатшылығы) www.amnesty.org және Халықаралық Хатшылық басқарып, жүргізетін басқа веб-сайттар, онлайн жүйелер, формалар, науқандар, білім беру іс-шаралары, қайырымдылық беттері, мүше болуға ынталандыру формалары, жалдау процестері және өзіміз басқаратын басқа да көпшілікке арналған қызметтер арқылы өңдейтін жеке ақпаратқа қолданылады.

«Amnesty International», «біз», «бізге» немесе «біздің» дегеніміз Amnesty International Халықаралық Хатшылығының негізгі операциялық компаниясы Amnesty International Limited компаниясын білдіреді (https://www.amnesty.org/en/who-we-are/). Amnesty International Limited Англия мен Уэльсте 01606776 нөмірімен жауапкершілігі шектелген компания ретінде тіркелген.

Amnesty International осы саясатта қамтылған жеке ақпаратты бақылайтын тұлға болып табылады. Бұл дегеніміз, біз сол ақпараттың не үшін және қалай пайдаланылатынын шешеміз. Біздің байланыс ақпаратымыз осы саясаттың соңында берілген. Сұрақтарыңыз бар болса не құпиялылық сақтау құқықтарыңызды пайдаланғыңыз келсе, бізбен пошта, электрондық пошта немесе телефон арқылы хабарласа аласыз.

Amnesty International ұйымының кейбір бөлімдері, құрылымдары немесе серіктес ұйымдарының өз құпиялық сақтау саясаты болуы мүмкін. Бұл саясат Сіздің ақпаратыңызды бақылайтын басқа ұйымдардың саясаттарын алмастырмайды.

Біз жинайтын жеке ақпарат

Біз жинайтын жеке ақпарат әрекетіңізге байланысты. Біздің веб-сайттағы барлық парақшаларды кім екеніңізді айтпай пайдалана аласыз, дегенмен IP мекен-жайыңыз, құрылғы туралы ақпарат және cookie файлдары немесе осыған ұқсас техникалық ақпаратты жинауымыз мүмкін.

Біз жеке ақпаратты мынадай мақсаттарда жинаймыз:

  • петицияға қол қою, онлайн әрекет жасау немесе науқанға қосылу;
  • Amnesty International ұйымына қосылу немесе халықаралық мүше болуға қызығушылық таныту;
  • бізге қайырымдылық немесе басқа төлем жасау;
  • жаңалықтарымызға, іс-шараларға, қаражат жинау туралы немесе басқа да хабарламаларға жазылу;
  • адам құқықтары бойынша білім беру курстарына жазылу;
  • Amnesty International Decoders сияқты басқа онлайн науқандарға немесе іс-шараларға қатысу;
  • бізде жұмыс істеу, ерікті болу, практикалық дайындықтан өту немесе осыған ұқсас лауазымға өтініш беру;
  • бізге хабарласу, сұраныс жіберу, шағым түсіру немесе құпиялық сақтау құқықтарыңызды пайдалану; не
  • біздің веб-сайттарымыз, электрондық пошталарымыз, формаларымыз, әлеуметтік желі парақшаларымызды немесе басқа онлайн қызметтерімізді пайдалану.

Біз жинайтын жеке ақпаратқа мынадай жатуы мүмкін:

  • Сіздің аты-жөніңіз, жасыңыз немесе жас мөлшері, мекен-жай, электрондық пошта мекен-жайы және телефон нөміріңіз;
  • еліңіз, тіліңіз, қарым-қатынастық қалауларыңыз және Amnesty International -ға қатысты мүдделеріңіз;
  • өтініштер, науқандық іс-шаралар, мүше болуға қызығушылық білдіру формаларында, курстарға тіркелу, сауалнамалар, жіберілген сұраныстарда немесе шағымдарда беретін ақпаратыңыз;
  • қайырымдылық және төлем жасау туралы ақпарат, соның ішінде қайырымдылық мөлшері, күні, төлем мәртебесі және төлем сілтемесі. Банк картасының мәліметтерін біздің үшінші тарап төлем провайдерлері шифрлайды. Amnesty International Сіздің картаңыздың толық мәліметтерін сақтамайды;
  • IP мекен-жайы, құрылғы түрі, браузер түрі, операциялық жүйе, қаралған беттер, басылған сілтемелер, кіру күні мен уақыты, техникалық деректерден алынған шамамен орналасқан жері, cookie идентификаторлары және осыған ұқсас онлайн идентификаторлар сияқты техникалық ақпаратты жинауымыз мүмкін және оларды үшінші тарап төлем провайдерлері өз шарттары мен талаптарына сәйкес жинайды. Amnesty International үшінші тарап провайдерлерінің құпиялылық саясатына жауапты емес;
  • жұмысқа қабылдау туралы ақпарат, мысалы, өтініш, түйіндеме, ілеспе хат, жұмыс тәжірибеңіз, біліктілік, ұсыныстар, сұхбат жазбалары, бағалау нәтижелері, жұмысқа орналасу құқығы туралы ақпарат және жұмысқа қабылдау процесін басқару үшін қажетті ақпарат;
  • беріледі деп өзіңіз таңдаған, бізбен қатынасу барысында ашық болу не ұсынылуы мүмкін әлде оны пайдалану біз үшін өзекті және заңды болған арнайы санаттағы ақпарат. Бұған нәсілдік немесе этникалық шығу тегі, саяси пікірлері немесе ұстамдары, діни сенімі, кәсіподаққа мүше болуы, денсаулық, мүгедектік, жыныстық өмір немесе жыныстық бағдары туралы ақпарат жатуы мүмкін; және
  • қылмыстық құқық бұзушылық туралы ақпарат, егер ол жұмысқа қабылдау процесі, қауіпсіздікті қамтамасыз ету, алаяқтықтың алдын алуға, заңды талаптар, заңды міндеттемелер немесе басқа заңды мақсатқа қатысты болса.

Біз тек қажетті ақпаратты сұраймыз. Ақпарат беру міндетті емес болған жағдайда, біз мұны мүмкіндігімізше анық көрсетеміз. Егер Сіз қызмет көрсету, қайырымдылық жасау, өтінімді бағалау немесе заңды талапты орындау үшін қажетті ақпаратты бермесеңіз, біз бұл әрекеттерді жасай алмауымыз мүмкін.

Біздің веб-сайттарымыз cookie файлдарын және осыған ұқсас технологияларды пайдаланады. Оларға шағын файлдар, пиксельдер, тегтер және жергілікті сақтау орны жатуы мүмкін. Олар веб-сайттардың жұмыс істеуіне, жасалған таңдауды есте сақтауға, адамдардың біздің қызметтерімізді қалай пайдаланатынын түсінуге, науқандарды өлшеуге, мазмұнды жақсартуға және рұқсат етілген жерде жарнама немесе қаражат жинау қызметін қолдауға көмектеседі.

Кейбір cookie файлдары біздің веб-сайттарымыздың жұмыс істеуі үшін қажет. Басқалары міндетті емес. Заң талап еткен жағдайда, біз қосымша cookie файлдарын немесе осыған ұқсас технологияларды орнатпас бұрын Сіздің келісіміңізді сұраймыз. Таңдауыңызды біздің веб-сайттардағы cookie құралдары арқылы немесе браузер параметрлері арқылы өзгерте аласыз.

Cookie файлдары және осыған ұқсас технологиялар IP мекен-жайларын, құрылғы идентификаторларын, браузер туралы ақпаратты, қаралған беттерді, басылған сілтемелерді және басқа онлайн белсенділік туралы ақпаратты жинауы мүмкін. Бұл ақпараттың бір бөлігін таңдауыңызға және пайдаланылатын технологияға байланысты аналитика, жарнама немесе әлеуметтік медиа платформаларымен бөлісуі мүмкін. Cookie файлдары, пикселдер немесе осыған ұқсас технологиялар жарнама, аудиторияны өлшеу немесе сайтаралық бақылау үшін пайдаланылған жағдайда, біз оларды тек заңмен рұқсат етілген және таңдаған  cookie файлдарығызға сәйкес пайдаланамыз.

Біз пайдаланатын cookie файлдарының түрлері және оларды қалай басқару туралы толығырақ ақпарат алу үшін біздің Cookie туралы мәлімдемемізді оқып шығыңыз (https://www.amnesty.org/kk/cookie-statement/).

Сіздің жеке ақпаратыңызды қалай және қандай заңды негіздермен пайдаланамыз

Деректерді қорғау туралы заңында жеке ақпаратты пайдалану үшін заңды негіз қажет делінген. Біз мақсатқа және ақпарат түріне байланысты әртүрлі заңды негіздерді қолданамыз.

Біз жеке ақпаратыңызды төмендегі мақсаттарда пайдаланамыз:

Онлайн науқандар және оқыту іс-шаралары

Петициялар, емейл арқылы жіберіп, науқандар және онлайн іс-шараларды жүргізу және науқан барысында көздеген алушыға жіберу үшін пайдаланамыз. Біз әдетте Сіздің келісіміңізге, адам құқықтары үшін науқан жүргізудегі заңды мүддемізге немесе әрекетке байланысты екеуіне де сүйенеміз. Қатысты ақпарат арнайы санаттағы ақпарат болса немесе қатысқанда арнайы ақпарат ашу не ұсыну мүмкін болса, біз сондай-ақ контекстке байланысты нақты келісім, өзіңіз ашық жариялаған ақпарат, елеулі қоғамдық мүдде немесе деректерді қорғау туралы заңға сәйкес басқа қолданылатын шарт сияқты тиісті арнайы шартқа сүйенеміз.

Сіз тіркелген адам құқықтары бойынша білім беру курстарын, іс-шараларды немесе басқа қызметтерді ұсыну үшін пайдаланамыз. Біз келісімшартқа, келісімшарт жасаспас бұрын жасалған қадамдарға, тиісті жағдайларда келісімге және сол қызметтерді ұсыну мен жақсартудағы заңды мүдделерге сүйенеміз.

Хабарламаларыңызға жауап беру

Сіздің сұраныстарыңызға, шағымдарыңызға және өтініштеріңізге жауап беру үшін пайдаланамыз. Бізбен хабарласқан адамдарға жауап беруде заңды мүдделерімізге және заң бізден жауап беруді немесе жазбаларды сақтауды талап еткен жағдайда заңды міндеттемелерге сүйенеміз.

Науқан жаңалықтары

Науқан туралы жаңалықтар, қаражат жинауға арналған сұраныстар, ақпараттық бюллетеньдер және басқа да маркетинг коммуникацияларды жіберу үшін пайдаланамыз. Қажет болған жағдайда келісімге сүйенеміз және заң рұқсат еткен жағдайда заңды мүдделерге сүйенуіміз мүмкін. Сіз кез келген уақытта бас тарта аласыз.

Мүше болу

Amnesty International ұйымына қосылуға деген қызығушылығыңызды басқару және тиісті жағдайларда халықаралық  мүше болуды басқару үшін. Біз келісімшартқа, келісімшарт жасаспас бұрын жасалатын қадамдарға, заңды мүдделерге және тиісті жағдайларда заңды міндеттемелерге сүйенеміз.

Қаражат жинау

Қайырымдылық пен басқа да төлемдерді өңдеу, түбіртектер жіберу, төлем жазбаларын бақылау және алаяқтықтың алдын алу үшін пайдаланамыз. Біз келісімшартқа, заңды міндеттемелерге және заңды мүдделерге сүйенеміз. Сондай-ақ, төлем туралы ақпаратты қаржылық, салықтық, аудиттік және ақшаны жылыстатуға қарсы күрес талаптарын орындау үшін пайдалануымыз мүмкін.

Жұмысқа қабылдау

Жұмысқа орналасу, еріктілік, тағылымдама және осыған ұқсас өтініштерді бағалау және басқару үшін. Біз келісімшарт жасамас бұрын қадамдарға, келісімшартқа, заңды міндеттемелерге және лайықты адамдарды әділ және тиімді түрде жалдау үшін заңды мүдделерге сүйенеміз.

Жұмысқа қабылдаудағы әртүрлілік, инклюзивтік және тең мүмкіндіктерді бақылау үшін пайдаланамыз. Біз әдетте мүмкіндігінше анонимді немесе жалпы ақпаратты пайдаланамыз. Анықталатын арнайы санаттағы ақпаратты пайдаланған кезде біз нақты келісімге немесе деректерді қорғау туралы заңға сәйкес басқа тиісті шартқа, мысалы, теңдік үшін елеулі қоғамдық мүдделерді бақылауға сүйенеміз.

Онлайн қызметтерімізді қорғау және жақсарту

Веб-сайттарымыздың, жүйелеріміздің, адамдарымыздың және ақпаратымыздың қауіпсіздігін қамтамасыз ету, соның ішінде дұрыс пайдаланбау, алаяқтық, кибер оқиғалар және рұқсатсыз кірудің алдын алу үшін пайдаланамыз. Біз заңды мүдделерге және тиісті жағдайларда заңды міндеттемелерге сүйенеміз.

Веб-сайттарымыз, науқандарымыз, қызметтеріміз және коммуникацияларымызды талдау және жақсарту үшін пайдаланамыз. Біз заңды мүдделерге және қосымша cookie файлдары немесе ұқсас технологиялар үшін қажет болған жағдайда келісімге сүйенеміз.

Заңды және басқару талаптары

Amnesty International қозғалысы аясында және жұмысымызды жасау үшін қажет болған жағдайда қызмет көрсетушілермен ақпарат алмасу үшін пайдаланамыз. Біз контекстке байланысты заңды мүдделерге, келісім-шартқа, заңды міндеттемелерге немесе келісімге сүйенеміз.

Заңды талаптарды қою, жүзеге асыру немесе қорғау, сот шешімдерін орындау, билік органдарының заңды талаптарына жауап беру және реттеуші немесе заңды міндеттерді орындау үшін пайдаланамыз. Біз заңды міндеттемелерге, заңды мүдделерге және қажет болған жағдайда қоғамдық мүдделерге немесе заңды талаптарға сүйенеміз.

Сирек жағдайларда, біз жеке ақпаратты біреудің өмірлік маңызды мүдделерін қорғау үшін қажет болған жағдайда, мысалы, төтенше жағдайда немесе заңмен танылған маңызды қоғамдық мүдде мақсатында пайдалануымыз мүмкін.

Арнайы санаттағы және қылмыстық құқық бұзушылық туралы ақпарат

Арнайы санаттағы ақпарат қосымша қорғауды қажет етеді. Бізбен өзара әрекет жасағанда өзіңіз туралы құпия ақпаратты, мысалы, саяси пікір, сенім, науқанға деген қызығушылық, адам құқықтарына қатысты алаңдау, жеке тәжірибеңіз, денсаулық, мүгедектік, этникалық тегіңіз, дін не сенім, жыныстық өмір әлде  жыныстық бағдарыңыз туралы ақпарат ашық болып, берілуі мүмкін. Мысалы, өтінішке қол қойып, науқанға қатысқанда, адам құқықтары мәселесі бойынша бізге хабарласқанда, жеке жағдайыңыз туралы айтқанда, іс-шараға қатысқанда, жұмыс істеуге өтініш бергенде немесе өзгешелік туралы ақпарат беруді таңдағанда орын алуы мүмкін.

Біз арнайы санаттағы ақпаратты тек тиісті, қажетті және пропорционалды болған жағдайда ғана, сондай-ақ Ұлыбританияның GDPR, ЕО GDPR немесе басқа да қолданыстағы деректерді қорғау туралы заңына сәйкес заңды негіз және арнайы шарт болған жағдайда ғана пайдаланамыз. Контекстке байланысты, бұған Сіздің нақты келісіміңіз, жұмыспен қамту және әлеуметтік қорғау туралы заң, елеулі қоғамдық мүдде, теңдікті бақылау, өмірлік маңызы бар мүдделер, өзіңіз анық жариялаған ақпаратыңыз, заңды талаптар немесе деректерді қорғау туралы заңға сәйкес басқа да қолданыстағы шарт кіруі мүмкін.

Amnesty International ұйымын қолдау, науқандар, петициялар немесе іс-шараларға қатысуыңыз және өзіңіз қатысатын адам құқықтары мәселелері туралы ақпараттың, әсіресе саяси пікірлер, сенім, қауымдастықтар немесе өзіңізге әлде басқаларға қауіп төндіру жағдайында құпия болуы мүмкін екенін түсінеміз. Біз қандай ақпаратты жинау, оны қалай пайдалану, кіммен бөлісу, қанша уақыт сақтау және қандай қорғаныс шараларын қолдану керектігін шешкен кезде мұны ескереміз.

Ақпарат жеке тұлғалар, мысалы, науқанға қатысушылар, жақтаушылар, шағымданушылар, құқық қорғаушылар, куәгерлер, осал топтарға жататын адамдар немесе қауіпті елдердегі немесе жағдайдағы адамдар үшін ерекше қауіп тудыруы мүмкін болғанда қол жеткізу, бөлісуді шектеу, жиналған ақпаратты азайту немесе қажет болған жағдайда анонимді немесе бүркеншік атпен аталған ақпаратты пайдалану сияқты қосымша қорғаныс шараларын қолдануымыз мүмкін.

Қылмыстық құқық бұзушылық туралы ақпарат қосымша қорғауды қажет етеді. Біз оны тек заң рұқсат еткен және тиісті, сәйкесті және қажетті болған жағдайда ғана пайдаланамыз. Бұған жұмысқа қабылдауды тексеру, қауіпсіздікті қамтамасыз ету, алаяқтықтың алдын алу, заңды міндеттемелер, реттеуші талаптар немесе заңды талаптар кіруі мүмкін.

Маркетинг және қаржыландыру коммуникациялары

Біз байланыстарымыздың пайдалы және құрметті болуын қалаймыз. Біз Сізбен адам құқықтары жөніндегі науқандар, акциялар, іс-шаралар, білім беру, қаражат жинау, мүше болу және жұмысымызды қолдау жолдары туралы хабарласуымыз мүмкін.

Заң бойынша келісім талап етілетін жағдайларда маркетинг немесе қаражат жинауға арналған электрондық хаттарды не осыған ұқсас электрондық хабарламаларды жібермес бұрын келісіміңізді сұраймыз. Заң бізге заңды мүдделерге сүйенуге мүмкіндік беретін жағдайларда да, біз Сізге бас тартудың нақты жолдарын көрсетеміз.

Сіз туралы шектеулі ақпаратты, мысалы, еліңіз, тіліңіз, қарым-қатынас қалауларыңыз, бұрынғы өзара әрекеттесу, қайырымдылық тарихы, науқанға қызығушылық немесе веб-сайттағы әрекеттеріңізді пайдалана аламыз, бұл біздің коммуникацияларымызды өзекті етуге және қажетсіз хабарламаларды жіберуден аулақ болуға көмектеседі. Егер заң рұқсат етпесе және тиісті қорғаныс шаралары қолданылмаса, біз арнайы санаттағы ақпаратты, балалар туралы ақпаратты немесе осал топтағы адамдар туралы ақпаратты маркетинг, қаражат жинау профилін жасау немесе аудиторияны нысанаға алу үшін әдейі пайдаланбаймыз.

Жазылымнан келген уақытта бас тарта аласыз немесе қалауларыңызды өзгерте аласыз. Біздің электрондық поштамыздағы жазылымнан бас тарту сілтемесін, ұсынған  кез келген қалау құралдарын пайдалана аласыз немесе осы саясаттың соңындағы мәліметтерді пайдаланып бізбен хабарласа аласыз. Сондай-ақ, жеке ақпаратыңызды тікелей маркетинг үшін, соның ішінде байланысты профиль үшін пайдалануымызға қарсылық білдіре аласыз. Егер қарсы болсаңыз, жеке ақпаратыңызды осы мақсаттарда пайдалануды тоқтатамыз.

Маркетинг немесе қаражат жинау коммуникацияларынан бас тартсаңыз да, Сізге қызметтік хабарла бойынша хабарласуымыз мүмкін. Мысалы, түбіртек жіберу, сұраныстарға жауап беру, курс немесе өтінім туралы ақпарат беру немесе бізбен қарым-қатынасыңыз туралы маңызды ақпарат беруіміз мүмкін.

Жеке ақпаратыңызды бөлісу

Біз Сіздің жеке ақпаратыңызды саудаға салмаймыз. Біз оны тек тиісті себептер мен тиісті қорғаныс шаралары болған жағдайда ғана бөлісеміз.

Жеке ақпаратты келесі жағдайда бөлісуіміз мүмкін:

  • Amnesty International жаһандық қозғалысының басқа бөліктері, соның ішінде ұлттық секциялар, құрылымдар және оған байланысты ұйымдар. Бұл бізге науқандарды өткізуге, Amnesty International ұйымына қосылуға деген қызығушылығыңызды қанағаттандыруға, жергілікті қатысуды қолдауға немесе адам құқықтары жөніндегі жұмысымызды дамытуға көмектеседі;
  • бізге ақпарат өңдейтін қызмет көрсетушілерге, мысалы, веб-сайт хостинг провайдерлері, IT провайдерлері, электрондық пошта және байланыс провайдерлері, қайырымдылық және төлем процессорлары, курс провайдерлері, жалдау платформалары, аналитика провайдерлері және қолдау қызметтерін жеткізушілерге;
  • төлемдерді өңдеу, алаяқтықтың алдын алу немесе алаяқтық болуы мүмкін күдікті транзакциялармен күресу үшін қажет болған жағдайда банктер, төлем провайдерлері, тиісті қаржы институттары және алаяқтықтың алдын алу немесе тексеру қызметтеріне;
  • жұмысқа орналастыру қызметтерін ұсынушылар, төрешілер, тиісті және заңды болған жағдайда тексеру қызметтерін ұсынушылар және жұмысқа орналастыру процесіне қатысатын басқа да ұйымдарға;
  • заңмен рұқсат етілген және таңдауыңызға сәйкес аналитика, cookie файлдары, жарнама және әлеуметтік медиа платформаларына. Бұған арнайы аудитория немесе ұқсас аудитория құралдары кіруі мүмкін, мұнда электрондық пошта мекен-жайы сияқты ақпарат Amnesty International мазмұны бар немесе әлеуетті қолдаушыларға көрсету үшін қауіпсіз түрде сәйкестендірілуі мүмкін. Біз бұл құралдарды тек заңды негізде және қажет болғанда cookie әлде маркетингтік келісім бойынша ғана пайдаланамыз. Егер заң рұқсат етпесе және тиісті қорғаныс шаралары қолданылмаса, біз Сіздің жеке ақпаратыңызды сатпаймыз немесе балалар туралы ақпаратты, арнайы санаттағы ақпаратты не осал топтағы адамдар туралы ақпаратты арнайы аудитория немесе ұқсас аудиторияны нысанаға алу үшін әдейі пайдаланбаймыз;
  • кәсіби кеңесшілер, сақтандырушылар, аудиторлар және басқару, қаржы, тәуекел, заңгерлік немесе сәйкестік жұмыстарын қолдайтын ұйымдар; және
  • заңмен талап етілген жағдайларда, құқықтарды, қауіпсіздікті немесе қорғалу қажет болған жағдайда, ақпаратты ашуға қарсы тұру мүмкін емес болған жағдайда соттар, реттеуші органдар, құқық қорғау органдары, мемлекеттік органдар немесе басқа үшінші тараптар.

Біз ақпаратты бөлек бақылаушы ретінде пайдаланатын басқа Amnesty International ұйымымен бөліскен жағдайда, сол ұйым ақпаратты өз бетінше пайдаланғаны үшін жауапты болады және өзінің жеке құпиялылық туралы ақпараты қолданылуы мүмкін.

Қызмет көрсетушілер біз үшін жеке ақпаратты өңдеген кезде, біз олардан тек біздің нұсқауларымыз бойынша пайдалануды, оны қауіпсіз сақтауды және деректерді қорғау талаптарын орындауды талап етеміз. Жарнама, аналитика немесе әлеуметтік медиа платформалары сияқты өзіміз бөлісетін кейбір ұйымдар да қызметке және Сіз олармен орнатқан параметрлеріңізге байланысты жеке ақпаратты өз мақсаттары үшін бөлек бақылаушылар ретінде пайдалануы мүмкін. Бұл орын алған жағдайда, ақпаратыңызды өздерінің құпиялылық туралы ақпараты бойынша қалай пайдаланатынына өздері жауапты.

Халықаралық аударымдар

Amnesty International – жаһандық қозғалыс. Біз және бізбен жұмыс істейтін ұйымдар жеке ақпаратты Ұлыбританиядан, Еуропалық Экономикалық Аймақтан немесе Сіз тұратын елден тыс елдерде өңдеуіміз мүмкін.

Жеке ақпаратты халықаралық деңгейде берген кезде біз оны қорғау үшін шаралар қабылдаймыз. Ұлыбританияның GDPR немесе ЕО GDPR қолданылатын жерлерде біз жарамды беру механизмін пайдаланамыз. Бұған жеткіліктілік туралы ереже немесе жеткіліктілік туралы шешім, стандартты келісім-шарттық ережелер, Ұлыбританияның халықаралық деректерді беру туралы қосымшасы, халықаралық деректерді беру туралы келісім немесе деректерді қорғау туралы заңға сәйкес қолжетімді басқа заңды қорғаныс немесе өзгеріс кіруі мүмкін.

Біз ақпаратты Ұлыбританиядан немесе ЕЭА-тан тыс жердегі Amnesty International қозғалысының басқа бөлігімен бөліскен кезде, ақпарат қолданыстағы деректерді қорғау туралы заңға сәйкес стандартпен өңделуі үшін тиісті шараларды қолданамыз.

Үшінші тарап веб-сайттары және ендірілген мазмұн

Біздің веб-сайттарымыз үшінші тарап веб-сайттарына, қолданбаларына немесе үшінші тараптың ендірілген мазмұнына сілтемелер қоюы мүмкін. Оларға Amnesty International бөлімдері, байланысты ұйымдар немесе басқа үшінші тараптар басқаратын веб-сайттар немесе қолданбалар кіруі мүмкін. Бұл саясат біздің бақылауымыздан тыс қызметтерге, мысалы, Халықаралық Хатшылық басқармайтын, иеленбейтін Amnesty International қозғалысының басқа веб-сайттарына қолданылмайды. Бұл ұйымдардың өздерінің құпиялылық саясаты болуы мүмкін.

Балалар мен жасөспірімдер

Біздің веб-сайттарымыз, науқандарымыз бен іс-шараларымыз балаларға арналмаған, бірақ біз балалар мен жасөспірімдердің жұмысымызға қатысып, қолдау көрсете алатынын мойындаймыз.

Егер сіз 13 жасқа толмаған болсаңыз, ата-анаңыз немесе қамқоршыңыз келісім бермесе, бізге жеке ақпаратыңызды бермеуіңіз керек.

Егер жасыңыз 13 пен 18 аралығында болса, біздің науқандарымыз бен іс-шараларымызға қатыса аласыз, бірақ жеке ақпаратыңызды бөліспес бұрын ата-анаңызды немесе қамқоршыңызды тартуға кеңес береміз. Осылай істеген кезде біз қосымша қауіпсіздік шараларын қолдануымыз мүмкін.

Жеке деректерді пайдалануға келісімге сүйенген жағдайда, оның жарамдылығын қамтамасыз ету үшін тиісті шаралар қолданамыз. Бұған қажет болған жағдайда ата-анадан немесе қамқоршыдан келісім алу немесе келісімді растау кіруі мүмкін.

Балалардың жеке деректерін өңдеу кезінде біз ерекше сақтық танытамыз. Атап айтқанда,

  • тек қажетті және пропорционалды түрде жеке деректерді жинаймыз және пайдаланамыз;
  • құпиялылық туралы ақпаратты жас ерекшеліктеріне сәйкес анық және түсінікті түрде ұсынамыз;
  • баланың мүдделерін ескереміз;
  • балалар біздің науқандарымызға, білім беру іс-шараларымызға, іс-шараларымызға және коммуникацияларымызға қатысқан кезде қосымша қорғаныс шараларын қолданамыз;
  • балалардың жеке деректерін әділетсіз, жаңылыстыратын немесе орынсыз болуы мүмкін профильдеу немесе маркетинг үшін пайдаланбаймыз.

Кейбір жағдайларда, баланың белгілі бір іс-шараларға қатысуына рұқсат бермес бұрын немесе оның жеке деректерін жинамас немесе пайдаланбас бұрын, біз ата-анасының немесе қамқоршысының қатысуын талап етуіміз мүмкін. Сондай-ақ, тиісті қорғаныс шараларын қолдану мүмкін болмаған жағдайда, біз белгілі бір мүмкіндіктерге қол жеткізуді шектеуіміз мүмкін.

Егер біз баладан тиісті келісімінсіз жеке деректерді жинағанымызды білсек, оны мүмкіндігінше тезірек жою үшін шаралар қолданамыз.

Балалар, ата-аналар және қамқоршылар кез келген уақытта сұрақтар қою немесе деректерді қорғау құқықтарын жүзеге асыру үшін бізбен байланыса алады.

Қауіпсіздік

Біз жеке ақпаратты қорғау үшін тиісті техникалық және ұйымдастырушылық шараларды қолданамыз. Бұл шаралар ақпараттың қауіпсіздігін, дәлдігін және тек оған мұқтаж адамдарға қолжетімділігін қамтамасыз етуге арналған. Оларға кіруді, сақтауды, төлемдерді өңдеуді, қызмет көрсетушілерді және жүйелік қауіпсіздікті бақылау кіреді.

Біз сондай-ақ төлем қызметтері провайдерлеріміз арқылы төлемдерді өңдеу үшін қауіпсіз жүйелерді пайдалануға тырысамыз. Интернет арқылы ешқандай ақпарат алмасу ешқашан толықтай қауіпсіз бола алмайды. Бірақ біз жеке ақпаратты қорғау және қауіпсіздік мәселесі туындаған жағдайда тиісті түрде әрекет ету үшін жұмыс істейміз.

Жеке ақпаратты қанша уақыт сақтаймыз

Біз жеке ақпаратты тек осы саясатта сипатталған мақсаттар үшін қажет болғанша сақтаймыз. Содан кейін оны жоямыз, жасырын етеміз немесе тек заңды, есеп беру, мұрағаттық, зерттеу немесе аналитикалық мақсаттар үшін қажет нәрсені сақтаймыз.

Ақпаратты сақтау уақыты ақпарат түріне, оның жинау мақсатына, бізбен байланыста боласыз ба, қызмет көрсету немесе қарым-қатынасты басқару үшін қажет пе, және оны заңды, қаржылық, аудиторлық, салықтық, реттеушілік, жұмыспен қамту, қорғау, дау немесе дәлелді себептер бойынша сақтауымыз керек пе, соған байланысты.

Мысалы, қайырымдылық жазбаларын қаржылық және аудиттік себептер бойынша сақтау қажет болуы мүмкін. Өтініштерді басқару, сұрауларға жауап беру және заңды құқықтарды қорғау үшін жұмысқа қабылдау жазбаларын сақтау қажет болуы мүмкін. Веб-сайт пен cookie туралы ақпарат технология мен мақсатқа байланысты қысқа немесе ұзақ мерзімге сақталуы мүмкін, бұл біздің Cookie мәлімдемесінде түсіндірілген.

Таңдауыңызды құрметтеу үшін маркетингтік немесе қаражат жинау коммуникацияларынан бас тартқан кезде шектеулі басу жазбаларын сақтауымыз мүмкін. Сондай-ақ, есеп беру, заңды, аудит немесе дәлелдемелер мақсаттары үшін қажет болған жағдайда өтініштердің, науқандық әрекеттердің, қайырымдылықтардың, шағымдардың немесе құқықтар туралы өтініштердің шектеулі жазбаларын сақтауымыз мүмкін.

Егер белгілі бір жағдайда заңмен ұзағырақ мерзім талап етілмесе немесе рұқсат етілмесе, сәтсіз жұмысқа қабылдау өтінімдер іріктеу процесі аяқталғаннан кейін үш жыл бойы сақталады.

Сіздің құпиялылық құқықтарыңыз

Бізде сақталатын Сіз туралы жеке ақпарат өзіңіздікі. Сіз тұратын жерге және ақпаратыңызды қалай пайдаланатыныңызға байланысты, Ұлыбританияның GDPR, ЕО GDPR немесе басқа да қолданыстағы деректерді қорғау туралы заңдарға сәйкес төмендегі құқықтар болуы мүмкін.

  • жеке ақпаратыңызды қалай пайдаланатынымыз туралы хабардар болу;
  • Сіз туралы бізде сақталған жеке ақпараттың көшірмесін сұрау;
  • бізден дұрыс емес немесе толық емес ақпаратты түзетуді сұрау;
  • ақпаратыңызды жоюды сұрау;
  • ақпаратыңызды пайдалану тәсілін шектеуді сұрау;
  • ақпаратыңызды қалай пайдаланатынымызға, соның ішінде заңды мүдделерге сүйенетін жағдайларға қарсылық білдіру;
  • кез келген уақытта тікелей маркетингке, соның ішінде қаражат жинау туралы хабарламаларға және онымен байланысты профильдеуге қарсылық білдіру;
  • егер тасымалдау құқығы қолданылса, бізден өзіңіз берген ақпаратты Сізге немесе басқа ұйымға беруді сұрау;
  • біз келісімге сүйенетін кез келген уақытта келісімді қайтарып алу. Бұл өзіңіз келісімді қайтарып алғанға дейін заңды түрде жасаған әрекеттерімізге әсер етпейді; және
  • қолданылған жағдайда автоматтандырылған шешім қабылдау мен профильдеуге қатысты құқықтар.

Бұл құқықтар абсолютті емес. Кейде бізге ақпаратты сақтау немесе пайдалану қажет болуы мүмкін, мысалы, заңды міндеттемені орындау, құқықтарды қорғау, шағымды қарау немесе заңды талаптарды белгілеу, жүзеге асыру немесе қорғау үшін. Егер Сіз сұраған нәрсені орындай алмасақ, мүмкіндігімізше себебін түсіндіреміз.

Басқаша айтпасақ және заң бізге мүмкіндік бермесе, Сіз үшін заңды салдар немесе осыған ұқсас маңызды салдар тудыратын шешімдерді автоматтандырылған өңдеуге ғана, соның ішінде профильдеуге негізделген шешімдер қабылдамаймыз.

Жұмысқа қабылдау құпиялылығы туралы мәлімдеме

Amnesty International жұмысқа қабылдау кезінде жеке ақпаратты жауапкершілікпен өңдеуге міндеттенеді.

Біз Сіздің өтініште берген ақпаратты жұмысқа қабылдау мен іріктеуді басқару үшін пайдаланамыз. Бұған Сіздің жарамдылығыңызды бағалау, сұхбат немесе бағалау ұйымдастыру, Сіз берген ақпаратты тексеру, Сізбен байланысу, өтінішіңіз бойынша шешім қабылдау, заңды міндтетемелерді орындау және заңды құқықтарымызды қорғау кіруі мүмкін.

Біз өтінімдерді және онымен байланысты процестерді басқаруға көмектесу үшін жұмысқа орналастыру қызметтерін көрсетушілерді пайдалануымыз мүмкін. Сіздің келісіміңіз, заңды талап, жұмысқа орналастыруды басқару, анықтамаларды тексеру, қорғау, заңды талаптар немесе осы саясатта сипатталған басқа заңды негіз сияқты тиісті себепсіз жұмысқа орналасу туралы ақпаратыңызды басқа үшінші тараптарға жария етпейміз.

Жыныс, жас, жыныстық бағдар, діні сенім, қамқорлық міндеттері, мүгедектік, этникалық тегіңіз немесе шыққан аймағыңыз сияқты түрлілік және тең мүмкіндіктер туралы ақпаратты беруді таңдасаңыз, біз оны теңдік, түрлілік және инклюзияны бақылау үшін пайдаланамыз. Мүмкіндігінше жасырын немесе жалпыланған ақпаратты пайдаланамыз.

Біз сондай-ақ арнайы санаттағы ақпаратты және қылмыстық құқық бұзушылық туралы ақпаратты жұмысқа қабылдауға қатысты болған және заң рұқсат еткен жағдайларда өңдей аламыз. Бұған теңдікті бақылау, ақылға қонымды түзетулер, жұмыс істеу құқығын тексеру, қорғау, лауазымға жарамдылықты бағалау, заңды міндеттемелер немесе заңды талаптар кіруі мүмкін.

Өтінішіңіздің бөлігі ретінде Сізден мәлімдемені растау сұралуы мүмкін. Мәлімдемеде өтініштегі ақпараттың шынайы және толық екендігі, қасақана жіберіп алу, бұрмалау қабылданбауға немесе жұмыстан кетуге әкелуі мүмкін екендігі, тиісті жағдайларда кәсіби тіркеу мәліметтері бойынша түсініктеме сұрауымыз мүмкін екендігі және жеке ақпаратыңызды осы саясатта көрсетілген құпиялылық шарттары бойынша өңдей алатынымыз көрсетілуі мүмкін.

Бізбен қалай байланысуға немесе құқықтарыңызды пайдалануға болады

Құқықтарыңызды қорғау, сұрақ қою немесе осы саясат бойынша мәселе көтергіңіз келсе, бізге келесі жолмен хабарласа аласыз:

  • Пошта арқылы: Amnesty International Limited, International Secretariat, 1 Easton Street, Лондон, WC1X 0DW, Ұлыбритания.
  • Электрондық пошта арқылы: [email protected]
  • Телефон арқылы: +44 (0) 20 7413 5500

Шағымдар

Егер жеке ақпаратыңызды өңдеу тәсілімізге наразы болсаңыз, жоғарыдағы мәліметтерді пайдаланып бізге хабарласыңыз. Шағымыңызды түсіну үшін жеткілікті ақпарат беріңіз. Біз шағымның қабылданғанын 30 күн ішінде растаймыз. Біз шағымдарға кідіріссіз жауап беру үшін тиісті шараларды қабылдаймыз, шағымның қаралу барысы туралы Сізді хабардар етіп отырамыз және нәтижесі туралы хабарлаймыз.

Сондай-ақ, Сіздің деректерді қорғауды қадағалау органына шағымдану құқығы бар. Ұлыбританияда бұл Ақпарат комиссарының кеңсесі:

Егер ЕО GDPR ақпаратыңызды пайдалану тәсілімізге қолданылса, өзіңіз тұратын, жұмыс істейтін немесе мәселе орын алды деп ойлайтын ЕО еліндегі бақылаушы органға да шағымдана аласыз.