Кіріспе
Amnesty International пайдаланушылардың құпиялығын қамтамасыз етуге міндеттеме алады. Біз жеке өмірге қол сұқпау құқығын және мемлекеттік бақылау мен заңсыз араласуға қарсы құқықты ұзақ уақыт бойы қорғап келеміз. Бұл саясат Сіздің жеке деректер құпиялығы құқығыңызды қорғауға деген ұйымның ұстанымын көрсетеді және біз ақпаратыңызды қалай қолданатынымыз, ол ақпаратқа қатысты құқықтарыңыз туралы айқын түсініктеме береді.
Бұл саясат amnesty.org және біз басқаратын басқа веб-сайттар арқылы жұртшылыққа ұсынылатын Amnesty International Limited онлайн жүйелеріне қолданылады.
Amnesty International халықаралық хатшылығының негізгі операциялық компаниясы болып табылатын, Англия мен Уэльсте кепілдікпен шектеулі серіктестік ретінде тіркелген (нөмірі 01606776) Amnesty International Limited компаниясына қатысты.
Amnesty International Limited – осы саясатта аталған деректерді өңдеуге жауапты деректер бақылаушысы болып табылады. Біздің толық байланыс мәліметтеріміз осы құжаттың соңында көрсетілген. Сұрақтарыңыз болса, бізге хабарласуыңызға болады.
Біз қандай ақпаратты және қалай жинаймыз?
Біз жинайтын деректер көлемі біздің веб-сайттарды қалай пайдаланатыныңызға байланысты. Веб-сайттардың көп бөлігін IP мекен-жайыңыздан басқа жеке деректеріңізді ашпай-ақ шолуға болады.
Біздің веб-серверлер cookies файлдарын пайдаланады және сайтқа кіру журналдарын жинайды. Бұл болашақта веб-сайттардың сапасы мен функционалдығын жақсартуға мүмкіндік береді. Толығырақ ақпарат Cookies парақшасында.
Біз келесі жағдайларда жеке ақпарат жинаймыз (Сіздің IP мекен-жайыңызды қамтуы мүмкін):
- Онлайн әрекеттерге қатысу немесе халықаралық мүше болуға қызығушылық білдіру кезінде
- Бізге қайырымдылық аудару кезінде
- Біздің адам құқықтары бойынша білім беру курстарына жазылған кезде
- Онлайн науқандарға немесе іс-шараларға (мысалы, Amnesty Decoders) қатысу кезінде
- Жұмысқа немесе волонтерлік мүмкіндікке өтінім беру кезінде
Егер сіз өз еркіңізбен ұсынсаңыз, біз келесі жеке деректерді жинауымыз мүмкін:
- Аты-жөніңіз
- Жасыңыз
- Мекен-жайыңыз
- Электрондық пошта мекен-жайыңыз
- Телефон нөміріңіз
- Банк картасының мәліметтері (олар шифрланып, төлем қызмет көрсетушілерге жіберіледі, Amnesty жүйесінде сақталмайды)
- Жұмысқа/волонтерлік жұмыс істеу өтініштерге байланысты ақпарат (жыныс, этникалық тегі, жыныстық бағдар, мүмкіндігі шектеулі ме, жоқ па, соттылығы туралы мәліметтер
Жиналған ақпаратты қалай пайдаланамыз?
Веб-сайттар арқылы жиналған жеке ақпарат келесі мақсаттар үшін қолданылады:
- Онлайн әрекеттерді жүзеге асыру және петициялар жинау
- Сізге біздің науқандар мен іс-әрекеттеріміз туралы ақпарат беру
- Қайырымдылық жасауды сұрау және қатысуға шақыру
- Amnesty International мүшелігіне қызығушылық танытуды өңдеу
- Amnesty International мүшелігін басқару
- Қайырымдылық төлемдерін өңдеу
- Жұмысқа/волонтерлік мүмкіндікке өтінімдерді қарастыру және іріктеу рәсімдерін жүргізу
- Жұмысқа/волонтерлік жұмыс істеу туралы өтініш берушілердің әртүрлілігін бақылау
- Басқа Amnesty International ұйымдары немесе сенімді үшінші тараптармен деректер алмасу (төменде нақтыланған)
- Біздің веб-сайттарды жетілдіру
- Заңмен белгіленген міндеттемелерді орындау
Деректерді өңдеудің құқықтық негіздері
Деректерді қорғау туралы заң бізден Сіздің жеке ақпаратыңызды өңдеуге заңды негіздеме талап етеді. Біз деректер түріне және өңдеу түріне байланысты келесілерді қолданамыз:
Келісім
Біз Сізге хабарламаларымызды жіберуге, мысалы, жұмысымыз бен науқандарымыз туралы хабардар ету және қайырымдылық сұрау үшін электрондық хаттарды жіберуге келісіміңізді талап етеміз. Сіздің ақпаратыңызды келісім берген жағдайда ғана осылай өңдейміз. Егер бізге жұмысқа орналасуға өтінім берсеңіз және бізге құпия жеке ақпаратты (нәсіліңіз, этникалық тегіңіз, жынысыңыз туралы мәліметтерді қоса) берсеңіз, біз бұл ақпаратты тек Сіздің келісіміңізбен өңдейміз.
Заңды мүдде
Кейде біз жеке ақпаратыңызды Amnesty International жаһандық қозғалысының басқа бөліктерімен бөлісеміз (төменде қараңыз). Бұл біздің ұйымымызды мүмкіндігінше тиімді ілгерілетуге деген заңды мүдделерімізді қанағаттандыру және біздің жолдауымыздың адам құқықтарына қызығушылық танытатын адамдарға жетуіне мүмкіндік беру үшін жасалады.
Шарттық міндеттемені орындау
Егер бізге қайырымдылық жасасаңыз немесе қозғалысымызға қосылуға қызығушылық танытсаңыз, осы қайырымдылықты өңдеу немесе мүше болу өтінішті орындау үшін Сіз берген жеке деректерді өңдейміз.
Заңды міндеттеме
Біз Сіздің жеке ақпаратыңызды алаяқтық не ақша тазалаудың алдын алу сияқты кез келген заңды міндеттемелерді орындау үшін өңдейміз. Сондай-ақ, егер заңды орган немесе сот заңды түрде талап етсе, біз Сіздің жеке ақпаратыңызды өңдейміз.
Қажеттілік
Мысалы, жұмысқа орналасуға немесе ерікті түрде жұмыс істеуге өтінім берген кезде, жұмысқа орналасу үшін белгілі бір ақпаратты өңдеу қажет.
Қауіпсіздік
Біз Сіздің ақпаратыңыздың қауіпсіздігін, дәлдігін және жаңартылуын қамтамасыз ету үшін тиісті қауіпсіздік шараларын қолданамыз. Біз сондай-ақ төлем қызметтерін жеткізуші арқылы төлемдерді өңдеудің қауіпсіз жүйелері болуын қамтамасыз етуге тырысамыз. Дегенмен, ақпаратты интернет арқылы беру ешқашан толығымен қауіпсіз болмайды, сондықтан біз жеке ақпаратты қорғау үшін бар күшімізді салғанымызбен, веб-сайттарымызға берілетін ақпараттың қауіпсіздігіне кепілдік бере алмаймыз.
Үшінші тарап веб-сайттары
Біздің веб-сайтта кейде үшінші тарап веб-сайттарына немесе қолданбаларына сілтемелер әлде үшінші тарап веб-сайттарынан ендірілген мазмұн болады (олар тиісті бетте түсіндіріледі / белгіленеді). Бұл саясат басқа ұйымдар орналастыратын немесе басқаратын мұндай беттерге немесе қолданбаларға қолданылмайды. Бұған Amnesty International бөлімдерінің не онымен байланысты ұйымдардың немесе үшінші тарап сайттарының веб-сайттары не қосымшалары кіреді. Басқа сайттарда олар қолданылатын өздерінің құпиялылық саясаты болуы мүмкін.
Жеке ақпаратыңызбен бөлісу
Біз Сіздің жеке ақпаратыңызды келесі жағдайларда ғана бөлісетін боламыз:
Amnesty International жаһандық қозғалысының басқа бөліктерімен бөлісу
Amnesty International Limited ұйымы Amnesty International ұйымының жаһандық қозғалысының бір бөлігі болып табылады. Біздің қозғалысымыз Ұлыбританияны қоса алғанда, бүкіл әлемде адам құқықтарының бұзылуын тоқтату үшін жұмыс істейтін 60-тан астам мүшелік ұйымдардан тұрады. Бұл органдардың кейбіреулері ресми түрде құрылған, басқалары жоқ. Біз ақпаратыңызды осы ұйымдармен бөлісуіміз мүмкін, олар кейін Сіздің жеке ақпаратыңызды өз қызметіне байланысты пайдалануы мүмкін. Мысалы, егер сіз Amnesty International ұйымына қосылуға қызығушылық білдірсеңіз немесе өтінімге қол қойсаңыз, Сіздің байланыс деректеріңізді жергілікті Amnesty International ұйымыңызбен бөлісуіміз мүмкін. Ақпаратыңызды осылайша бөлісу бізден жеке ақпаратыңызды ЕО-дан тыс жерлерге беруді талап ететін жағдайда, Сіздің деректеріңізді алушы ұйыммен ЕО стандартына сәйкес бөлісуін және өңделуін қамтамасыз ету үшін келісім-шарттар бар.
Хостинг және өңдеу келісімдері
Біздің веб-сайттарды үшінші тарап қызмет провайдерлері орналастырады, сондықтан олар арқылы жіберген кез келген жеке деректерді сол үшінші тарап қызмет провайдері өңдей алады. Бұл Сіздің IP мекен-жайыңызды және өзіңіз таңдап бере алатын басқа жеке ақпаратты қамтиды (мысалы, петицияға қол қойсаңыз).
Кейбір жағдайларда Сіздің ақпаратыңызды үшінші тұлғалар бізбен бөлісуі мүмкін. Мысал ретінде адам құқықтары саласындағы білім беру курсына біздің сыртқы провайдерімізде тіркелу немесе Amnesty International әлде оның науқандары біріне Facebook арқылы қосылуға қызығушылығыңызды тіркесеңіз, Facebook Сіздің атыңыз бен электрондық пошта мекен-жайыңыз сияқты ақпаратты бізбен бөліседі. Сондай-ақ, біз Сіздің жеке мәліметтеріңізді өңдеу үшін басқа үшінші тараптарды қолданамыз, оның ішінде мынадай бағыттар бойынша:
- Amnesty International-ға қосылуға немесе әрекет етуге және барлық байланысты коммуникацияларды басқаруға қызығушылық білдіретін барлық онлайн мәлімдемелерге әрекет ету
- онлайн төлемдерді өңдеу үшін
- жұмысқа не волонтер ретінде орналасуға өтінімдерге және соған байланысты жұмысқа қабылдау процестеріне қатысты барлық ақпаратты өңдеу.
Барлық үшінші тарап қызмет провайдерлері Сіздің жеке ақпаратыңызды тек Amnesty International Limited атынан өңдейді және деректерді қорғау туралы заңға сәйкес келетін келісім-шарттарға байланысты.
Біз Facebook тұтынушылар және ұқсас аудитория бағдарламаларына қатысамыз. Бұл бағдарламалар Сіздің Facebook-тағы құпиялылық параметрлеріңізге байланысты біздің мазмұнымызды қолда бар немесе болашақ қолдаушыларымызға көрсетуге мүмкіндік береді. Біз Facebook-ке электрондық пошта мекен-жайыңыз сияқты жеке деректерді береміз, ал Facebook оларды қауіпсіз түрде шифрлайды. Егер бұл жеке деректер Facebook акаунтіне сәйкес келмесе немесе акаунтіңіз бар екені расталса, Facebook ол деректерді жояды.
Төлемдерді өңдеу және алаяқтық
Ұсынылған жерде Сіздің картаңыздың деректері төлемдерді ұйымдастыру үшін банктерге немесе тиісті қаржы институттарына ашылуы мүмкін. Алаяқтық мәміле деген күдік туындаған жағдайда, Сіздің мәліметтеріңіз тек қосымша тексерулер жүргізу мақсатында ғана ашылуы мүмкін (мысалы, несиелік тексеру агенттігіне жария ету).
Басқа бөлісу
Сондай-ақ, біз Сіздің жеке ақпаратыңызды рұқсатыңызбен бөлісе аламыз немесе заңды түрде оған ақылға қонымды түрде қарсы тұру мүмкін болмаған жағдайда ақпаратыңызды жариялауға міндеттіміз.
Cookies қолданылуы
Cookie (куки) – бұл тек мәтіннен тұратын ақпарат бөлімі, оны веб-сайт өзіңізді тану үшін компьютеріңіздің қатты дискісіне жібереді. Әдетте cookie құрамында келген интернет-доменнің атауы, cookie-дің “өмір сүру уақыты” және әдетте кездейсоқ түрде жасалған бірегей сан түріндегі мән болады.
Егер cookie файлдарын шектегіңіз не бұғаттағыңыз келсе, интернет-браузерді солай орнатуға болады – қосымша ақпарат алу үшін келесі сілтемені басыңыз: www.aboutcookies.org.
Cookie және Amnesty International оларды қалай пайдаланатыны туралы толығырақ ақпарат алу үшін біздің «Cookies пайдалануы» құжатына өтіңіз.
18 жасқа толмағандар
Егер Сіз 18 жасқа толмаған болсаңыз және Amnesty International жұмысына қатысқыңыз келсе, бізге жеке ақпаратыңызды бермес бұрын ата-анаңыздың/қамқоршыңыздың рұқсатын алуыңызды сұраймыз.
Деректерді сақтау мерзімі
Біз Сіздің жеке ақпаратыңызды өз жүйелерімізде тек жоғарыда көрсетілген мақсаттар үшін қажет уақытқа дейін ғана сақтаймыз. Маңызды ақпараттың болашақта пайдалану немесе анықтама үшін қанша уақыт бойы қолжетімді болуы керектігіне, сондай-ақ деректер қажет болмай қалған жағдайда оны қашан және қалай жою керектігіне қатысты нұсқаулықтарымызға сәйкес, жеке деректерді жүйелерімізден өшіріп отырамыз.
Әрбір дерек санатының сақталу мерзімі оны өңдеу үшін қажет уақытқа, жиналу себебіне және қолданыстағы заң талаптарына байланысты өзгереді. Осы мерзім өткеннен кейін деректер не жойылады, не зерттеу және талдау мақсатында қауіпсіз түрде анонимді жазба ретінде сақталуы мүмкін.
Сіздің жеке ақпаратыңызға және құқықтарыңызға қол жеткізу
Біз Сіз туралы сақтайтын жеке деректер өзіңізге тесілі. Сіздің ақпаратыңызға келесі құқықтарыңыз бар:
- Деректеріңіздің қалай өңделетіні туралы хабардар болу
- Деректеріңізге қол жеткізу
- Дұрыс емес кез келген деректерді түзету
- Деректеріңізді жою туралы бізге нұсқау беру
- Деректеріңізді өңдеуді кез келген уақытта шектеу (сізбен электрондық пошта арқылы байланысуды қоса алғанда). Сізге жіберілетін барлық электрондық пошта хабарламаларымыз жазылымнан бас тарту сілтемесін қамтиды.
- Деректеріңіздің сақталуына қарсылық білдіру.
- Деректеріңізді тасымалдау
Жұмысқа қабылдау құпиялылығы туралы мәлімдеме
Amnesty International Limited ұйымы жұмысқа қабылдау үдерісі аясында жиналатын жеке ақпаратты жауапкершілікпен өңдеуге міндеттенеді.
Өтінішке байланысты берген ақпаратыңыз Amnesty ұйымының ішкі жұмысқа қабылдау және іріктеу үдерістері үшін ғана қолданылады және заң талап ететін жағдайлар мен біздің қызмет көрсетушілерімізге берілетін жағдайларды қоспағанда Сіздің келісімінсіз үшінші тараптарға берілмейді (қосымша ақпаратты жалпы мәлімдемемізден қараңыз).
Жынысына, жасына, жыныстық бағдарына, діні мен сеніміне, күтім міндеттеріне, мүгедектігіне, этникалық тегіне және шыққан аймағына қатысты құпия жеке ақпарат анонимді болады және тек мәдени түрлілік пен тең мүмкіндіктерді бақылау мақсатында пайдаланылады. Сәтсіз болған өтініштер іріктеу үдерісі аяқталғаннан кейін үш жыл бойы сақталады. Сондай-ақ, төменде көрсетілген декларация түрінде деректерді өңдеуге келісетініңізді растауыңызды сұраймыз:
Декларация
Мен өз өтінішімде берген ақпараттың шынайы және толық екендігін растаймын. Өтініш бланкіндегі кез келген әдейі толтырмау, жалған ақпарат беру немесе бұрмалау осы өтінішті қабылдамауға немесе ұйымға жұмысқа алған жағдайда кейін жұмыстан босатуға негіз болатынына келісемін. Қажет болған жағдайда ұйым менің кәсіби тіркелу мәліметтерім бойынша түсіндірме сұрауына келісімімді беремін. Сондай-ақ жоғарыда көрсетілген құпиялылық шарттарына сәйкес Amnesty International ұйымының менің жеке деректерімді өңдеуге келісімімді беремін.
Егер осы құқықтардың кез келгенін пайдаланғыңыз келсе немесе саясатқа қатысты сұрақтарыңыз болса, бізбен келесі жолдармен байланыса аласыз:
Пошта арқылы:
Amnesty International, International Secretariat
1 Easton Street
London
WC1X 0DW
UK
Электрондық пошта арқылы: [email protected]
Телефон арқылы: + 44 (0) 20 7413 5500
Шағымдар
Егер өзіңіздің жеке деректеріңізді өңдеуге қатысты шағым бергіңіз келсе, шағымыңыз дәлелдермен бірге жоғарыдағы контактілер бойынша бізге хабарласыңыз; біз барлық шағымдарға 14 жұмыс күні ішінде жауап беруге тырысамыз.
Егер Сіз шағымды қарау тәсілімізге қанағаттанбасаңыз, деректерді қорғау және құпиялылықты қамтамасыз етуге жауапты Ұлыбританияның реттеушісі болып табылатын Ақпарат комиссарының кеңсесіне шағым түсіре аласыз:
Веб-сайт: https://ico.org.uk/global/contact-us/
Телефон: 0303 123 1113